Paggamit ng diksyon at kakayahan sa pagsulat ng sanaysay ng mga mag-aaral sa ikapitong antas / Angelica P.Gonzales, Jomar D. Sarmiento, Jonh Rohnniv G. Villanueva.

Thesis Bachelor of Secondary Education University of Rizal System Tanay 2019

Includes bibliographical references.

Ang pag-aaral na ito ay nakatuon sa paggamit ng diksyon at kakayahan sa pagsulat ng sanaysay ng mga mag-aaral sa ikapitong antas. Sa pag-aaral na ito, deskriptib o palarawan na pananaliksik ang ginamit . Ang talatanungan na inihanda ng mga mananaliksik at binalideyt ng mga guro sa Filipino ang naging pangunahing kasangkapan upang malikom ang mga datos. Ang mga tagatugon ay ang mga mag-aaral sa ikapitong antas sa URS-Tanay. Ang estadistikang ginamit ay mga frequency, percentage, at mean. Mula sa nakalap na datos, ang mga tagatugong babae ay may markang 80-84 sa Filipino. Ang Salitang Likas ang may pinakamataas na kakayahan sa paggamit ng diksyon na may markang 74.90. Ang pagsulat ng sanaysay ay nakakuha ng mababang marka. Ang mga mag-aaral sa ikapitong antas ay walang kasanayan at kakayahan sa paggamit ng diksyon at pagsulat ng sanaysay. Batay sa nakalap na mga datos ang mga sumusunod na konklusyon ay nabuo: higit na mas marami ang mga tagatugong babae kaysa lalaki; Ang salitang likas ay may pinakamataas na kakayahan at ang salitang likha naman ay may pinakamababang kakayahan; Ang mga tagatugon na mula sa ikapitong antas ay walang kasanayan at kakayahan sa paggamit ng diksyon at pagsulat ng sanaysay. Batay sa nakalap na datos at konklusyon, inirerekomenda na ang guro ay dapat maging mailikhain sa pagtuturo ng diksyon at pagsulat ng sanaysay, ang mga mag-aaral ay pagsikapang mapataas ang kakayahan sa paggamit ng diksyon at pagsulat ng sanaysay sa pamamagitan ng paglinang ng mga talasalitaan, matatalinhagang salita at pagtukoy sa pangunahing ideya, at iminumungkahing gumawa ng kaparehong pag-aaral gamit ang ibang baryabol.