Katatagang-loob ng mga biktima ng bagyong ondoy sa Tanay, Rizal Mac Neil P. Alcantara... [et al.].

Thesis (Bachelor of Science in Psychology) -- University of Rizal System-Morong.

LAGOM NG PAG-AARAL: Ang pag-aaral na ito ay tungkol sa pagkakaroon ng katatagang-loob ng mga biktima ng Bagyong Ondoy sa Tanay, Rizal. Sa kabuuan, (10) sampung katao ang magiging kalahok sa pag-aaral na ito na naglalaro sa edad na tatlongpu't lima hanggang pitongpu pito sa kanila ay mga babae at ang natitirang tatlo naman ay mga lalaki. Ang naging batayan ng mga mananaliksik sa pagpili sa mga magiging kalahok ay batay sa kanilang personal na karanasan, bilang ng kapamilyang nasawi at lawak ng ari-ariang nasalanta. Ayon sa nakalap na datos sa pamamagitan ng pakikipanayam, lahat ng mga biktima ay nakaranas ng matinding pagkalumo o kawalan ng pag asa noong bagyong Ondoy dahil hindi nila inakala na mangyayari sa kanilang buhay ang ganong sakuna at hindi rin sila naging handa dahil ayon sa kanila kulang sa abiso ang Pamahalaan. Maging sa obserbasyon ng mga mananaliksik karamihan sa mga biktima ay gumagamit ng represyon na tumutukoy sa pagkukubli ng isang idibidwal sa isang hindi magandang pangyayari sa kanyang buhay at ito ay nagmula sa teorya ni Sigmund Freud na defense mechanism. Ang mga konklusyong nabuo sa pamamagitan ng pagkalap ng mga datos ay ang apat (4) na konsepto na nagmula sa literatura ni Joseph Anthony Narciso Z. Tiangco ay sinangayunan at nakatulong sa pagkakaroon ng katatagang-loob ng mga biktima ng Bagyong Ondoy. Bukod dito ay may nabuong ang mga mananaliksik at ito ay ang suporta ng pamilya na nakakatulong sa pagkakaroon ng katatagang loob. Sa ganoong paraan, ipinakita ng mga biktima ng sila ay nagtataglay ng katangian na katatagang-loob.