Undergraduate Thesis Bachelor of Secondary Education
Major in Filipino University of Rizal System, Rodriguez, Rizal
2013

Ang pag-aaral na ito ay ginawa upang malaman ang mga salik na nakaaapekto sa pakikinig ng mga piling mag-aaral sa ikatlong taon ng Tagumpay National High School.

Sinagot ng pag-aaral na ito ang mga sumusunod na katanungan: Ano ang pansariling datos ng mga mag-aaral batay sa diyalektong ginagamit sa tahanan, kasarian at marka sa asignaturang Filipino, Ano ang antas ng bawat salik na nakaaapekto sa pakikinig ng mga piling mag-aaral, May makabuluhan bang pagkakaiba ang antas ng bawat salik na nakaaapekto sa pakikinig ng mga piling mag-aaral sa ikatlong taon ayon sa kanilang propayl?

Sa unang suliranin, ang pormulang ginamit ay Frequency Percentage Rank. Nalaman sa pag-aaral na ito ang babae ang may pinakamataas na bilang ng tagatugon batay sa kasarian.

Nalaman din na ang braket 85-89 ang pinakamaraming marka na nakuha ng mga tagatugon sa kanilang asignaturang Filipino. Samantalang, lahat ng bilang ng mga tigatugon ang diyalektong ginagamit sa tahanan ay Tagalog

Sa ikalawang suliranin, ang pormulang ginamit ay Arithmetic Mean. Tinuklas sa suliraning ito ang antas ng bawat salik na nakaaapekto sa pakikinig ng mga piling mag-aaral. Nalaman na isa sa mga salik ang paksa na nakakuha ng average mean na may bilang na 4.12 at interpretasyong berbal na nakaaapekto, pansariling konsepto ng mga mag-aaral na nakakuha ng average mean na may bilang na 3.52 at interpretasyong berbal na nakaapekto, oras na nakakuha ng average mean na may bilang na 3.13 at interpretasyong berbal na bahagyang nakaaapekto, lugar o kapaligiran na nakakuha ng average mean na may bilang na 3.81 at interpretasyong berbal na nakaaapekto.

Ginamit ang pormulang F-Test at One Way Anova sa ikatlong suliranin upang malaman ang makabuluhang pagkakaiba ng pag-aaral. Napag-alaman na may makabuluhang pagkakaiba ang antas ng bawat salik na nakaaapekto sa pakikinig ng mga piling mag-aaral batay sa kasarian at gayundin sa marka sa asignaturang Filipino. Samantalang walang makabuluhang pagkakaiba ang antas ng bawat salik na naknaapekto sa pakikinig ng mga piling mag-aaral sa ikatlong taon ayon sa diyalektong ginagamit sa tahanan

Nalaman sa pag-aaral na ito ang babae ang may pinakamataas na bilang ng tagatugon hatay sa kasarian Nalaman din na ang braket 85-89 ang pinakamaraming marka na nakuha ng mga tagatugon sa kanilang asignaturang Filipino. Samantalang, lahat ng bilang ng mga tigatugon ang diyalektong ginagamit sa tahanan ay Tagalog. Napag-alaman din na may makabuluhang pagkakaiba ang antas ng bawat salik na nakaaapekto sa pakikinig ng mga piling mag-aaral batay sa kasarian at gayundin sa marka sa asignaturang Filipino. Samantalang walang makabuluhang pagkakaiba ang antas ng bawat salik na nakaaapekto sa pakikinig ng mga piling mag-aaral sa ikatlong taon ayon sa diyalektong ginagamit sa tahanan

Iminumungkahi ng mga mananaliksik para sa mga magpapatuloy ng pag-aaral na ito na magkaroon ng ibayong kaalaman ukol sa mga salik na nakaaapekto sa pakikinig ng mga mag-aaral, nang sa gayon magamit ito at makatulong upang mapadali ang gagawin na pag-aaral ukol dito.