Undergraduate Thesis
Batsilyer ng Edukasyong Pansekondarya Medyor sa Filipino University of Rizal System, Rodriguez, Rizal
2013

Ang pag-aaral na ito ay naglayong makabuo, makapagbalideyt at masukat ang antas ng pagtanggap sa modyul sa nobelang "El Filibusterismo" ni Dr. Jose P. Rizal.

Ang pag-aaral na ito ay sumasagot sa mga suliranin ukol sa mean iskor ng mga mag-aaral na tagatugon sa pagsagot ng pang-una at panghuling pagsusulit; kung mayroon bang makabuluhang pagkakaiba sa pagitan ng pang-una at panghuling pagsusulit; at antas ng pagtanggap ng modyul ayon sa pagsusuri ng mga gurong tagatugon batay sa; Layunin, Nilalaman, Istilo at Wika, Organisasyon at Presentasyon, Gawain, Pagkamalikhain, at Pagtataya.

Ang pamamaraang Ebalwatib-deskriptibat Eksperimental gamit ang single-group design ang ginamit ng mga mananaliksik upang malaman ang

kakayahan ng mga mag-aaral na tagatugon pagkatapos gamitin ang modyul at pagtataya ng mga gurong tagatugon sa modyul.

Ginamit ang single group pre-test at post-test sapagkat ito ang uri ng pangangalap ng datos na kung saan isang partikular na grupo lamang ang nakatanggap ng pananaliksik at sinusukat lamang ang kinalabasan batay sa iskor ng pang-una at panghuling pagsusulit.

Batay sa mga datos na nalikom ng mga mananaliksik mula sa mga mag-aaral na tagatugon sa pag-aaral na ito batay sa mean iskor, ang pang-unang pagsusulit ay nakakuha ng mean iskor na22.57 habang ang panghuling pagsusulit ay nakakuha ng mean iskor na 46. 63

Ang P-value na 000 ay mas mababa sa 0.05 level of significance. Samakatuwid, ang haka ng pag-aaral ay hindi tinanggap.

Batay sa pagsusuri ng mga gurong tagatugon sa antas ng pagtanggap ng modyul ang mga sumusunod na katangian ng modyul ay nakakuha ng weighted mean iskor sa mga sumusunod: Layunin, 3. 94; Nilalaman, 4; Istilo at wika, 3.960; Organisasyon at Presentasyon, 4; Gawain, 3. 96; Pagkamalikhain 3. 9; at Pagtataya na may mean iskor na 3.94. Sa kabuuan, ang pagsusuring ginawa ng mga guro sa modyul ay nakakuha ng weighted mean na 3.95.

Batay sa mga nabuong resulta ng mga datos, narito ang mga sumusunod na konklusyon: Una, Nagkaroon ng pagkatuto ang mga mag-aaral matapos gamitin ang modyul sa isinagawang pag-aaral. Pangalawa, Mayroon makabuluhang pagkakaiba sa resulta ng pang-una at panghuling pagsusulit at

iv

panghuli, Ang binuong modyul ay mataas ang pagtanggap. Samakatuwid, ito ay maaaring gamitin ng mga guro bilang kagamitang pampagtuturo.

Sanhi ng mga natuklasan sa pag-aaral na ito, rekomendasyon ng mga mananaliksik sa mga mag-aaral, guro, namumuno sa paaralan, magulang at sa mga mananaliksik na ang narebisa at mas pinagandang modyul ay maaaring ireprodus upang magamit bilang isang kagamitang pampagtuturo sa mga paaralang pangsekondarya.