Undergraduate Thesis Batsilyer sa Edukasyong Pansekondarya Medyor sa Filipino
University of Rizal System, Rodriguez, Rizal
2013

Naglayon ang pag-aaral na ito na malaman ang antas ng kakayahang panglinggwistika ng mag-aaral sa ikalawang taon sa University of Rizal System, Rodriguez. Binigyan ng kaukulang kasagutan ang mga sumusunod na katanungan 1.) ano ang propayl ng mga tagatugon batay sa kanilang kasarian, wikang ginagamit sa tahanan at marka sa Filipino? 2.) at ano ang antas ng kakayahang panglinggwistika sa ponolohiya at morpolohiya? Pinili ang tatlumpung mag-aaral sa ikalawang taon na nag memedyor sa asignaturang Filipino bilang mga tagatugon, nabatid na mas marami ang tagatugon na babae kaysa sa lalaki na may bilang na 19 o 63.3% bahagdan. 11 o 38.7% bahagdan naman sa mga tagatugon ay tagalog ang wikang ginagamit sa tahanan na may bilang na 25 o 83.3% bahagdan naman sa mga tagatugon ay may markang 1.4-2.6.

Batay sa kinalabasan ng pagsusuri, natuklasan na ang pinakamataas na markang nakuha sa ponolohiya ng mga tagatugon ay labing siyam(19) na may bilang na apat(4) at may bahagdan na labing tatlo punto tatlo (13.3), pangalawa naman ay labing walo(18) na may bilang na tatlo(3) at may bahagdan na sampu(10), pangatlo naman ay labing pito(17) na may bilang na isa(1) at may bahagdan na tatlo punto tatlo(3.3), at nasa panghuli ay ang labing tatlo (13), labing dalawa(12), labing isa(11), sampu(10), siyam(9), walo(8) ay may parehong bilang na isa(1) at may bahagdan na tatlo punto tatlo(3.3). At sa morpolohiya naman ang pinakamataas na markamg nakuha ng mga tagatugon ay labing anim(16) na may bilang na walo(8) at may bahagdan na dalawamput anim punto pito (26.7), pangalawa ay labing lima(15) na may bilang na isa(1) at may bahagdan na tatlo punto tatlo(3.3), pangatlo ay labing apat(14) na may bilang na tatlo(3) at may bahagdan na sampu(10), at nasa huli ang anim(6), lima(5), apat(4) na parehong may bilang na isa(1) na may bahagdan na tatlo punto tatlo(3.3).

Batay sa kinalabasan ng pag-aaral na isinagawa ng mga mananaliksik at sa pagbubuod nito, nabuo ang mga sumusunod na konklusyon:

Higit nanakararami ay tagatugon na babae kaysa sa lalaki at karamihan sa mga tagatugon, ang wikang ginagamit sa tahanan ay tagalog, karamihan sa marka sa Filipino ay nakakuhang 1.9 na may bilang na siyam(9). Mas mataas ang marka ng mga tagatugon sa ponolohiya kaysa sa morpolohiya.

Walang makabuluhang pagkakaiba sa kakayahang panglinggwistika ng mga tagatugon ayon sa kanilang propayl

Batay sa kinalabasan ng pag-aaral na isinagawa ng mga mananaliksik at pagbubuod nito ang mga sumusunod na mungkahi:

Sa mga na mumuno ng paaralan, mas lalo pang hikayatin ang mga mag-aaral na mag-aral at maging palabasa upang mas maintindihan ang mga asignatura at sikaping paramihin ang mga libro na maaaring pagkunan ng kaalaman.

Sa mga guro, nawa'y lalong hikayatin ang mga mag-aaral na bigyang pansin ang bawat aralin na itinuturo at pagtuunan ng pansin ang mga paksang nahihirapan ang mga mag-aaral

Sa mga mag-aaral, sikaping mag karoon ng interes sa mga asignatura at mag karoon ng pagpapahalaga sa pag-aaral ayon sa mga paksang napapaloob sa asignatura, huwag tumigil sa pagbabasa ng mga aklat at babasahin na mapagkukunan ng kaalaman.

Sa mga mananaliksik, maging gabay sana ang pag-aaral na ito upang alamin pa ang iba pang kaalaaman panglinggwistika ng mga mag-aaral.