Undergraduate Thesis
Batsilyer sa Edukasyong Pansekondarya Medyor sa Filipino
University of Rizal System, Rodriguez Rizal
2025

Ang pag-aaral na ito ay naglayong malaman ang "Kabisaan ng Paggamit ng Panitikan sa Pagkatuto ng Wikang Filipino" na isinagawa sa Southville 8B National High School nitong Enero 2025. Ang mga tagatugon sa pag-aaral ay nagmula sa dalawang seksyon ng baitang siyam na may apat na pu't anim na bilang sa pangkat kontrol at pangkat eksperimental.
You sent
Ang mga mananaliksik ay gumamit ng pamamaraang eksperimental para sa pang-una at panghuling pagsusulit ng mga mag-aaral upang malaman ang mga kakayahan ng mga tagatugon pagkatapos gamitin ang panitikan sa pagkatuto ng wikang Filipino. Bukod pa rito, ginamit din ang pamaraang palarawan o deskriptibo na nakapokus sa pakikipanayam upang makuha ang tugon mula sa mga mag-aaral at guro na nag-ipon ng isang malalim na pagsusuri na nagtatapos sa isang tiyak at walang pinapanigan na mga resulta. Tinipon ang mga datos upang magsagawa ng mga pagsusuri mula dito hanggang makuha ang konklusyon.
Samakatuwid, sa kabuuan ng pag-aaral na mga mananaliksik ay nabuo ang mga sumusunod na konklusyon.
Naging mabisa ang paggamit ng panitikan sa pagkatuto ng wikang Filipino sapagkat nagkaroon ng malaking pagbabago at pagkatuto ang mga mag-aaral matapos gamitin ang panitikan. Nabigyang halaga ang pamamaraang ito upang mapaunlad ang pagkatuto sa mga gramatika sa wikang Filipino at upang mas mapaunlad pa ang asignaturang Filipino sa lahat ng antas at aspeto ng pagkatuto. Kaya naman, masasabing tunay na malaki ang naitulong ng panitikan upang mas lumawak pa ang kaalaman, magkaroon ng mahusay na pang-unawa at higit sa lahat ay matutong gamitin nang wasto ang wikang Filipino.