Mga hamon at oportunidad sa estratehiya sa pagtuturo ng Panitikan sa Tagumpay National High School/ Daphne Gail S. Jose, Marielle S. Marcedonio [and] Jhonbert A. Salvador - 2025 - xii, 73 leaves; illustrations, 28cm,
Undergraduate Thesis
Ang pananaliksik na ito na may pamagat na "Mga Hamon at Oportunidad sa Estratehiya sa Pagtuturo ng Panitikan sa Tagumpay National High School ay isinagawa upang masusing alamin at pag-aralan ang iba't ibang suliranin at posibilidad na kinahaharap ng mga guro sa pagtuturo ng panitikan sa nasabing paaralan. Layunin nitong tukuyin ang mga karaniwang balakid na nararanasan sa mapahusay ang estratehiya sa pagtalakay ng panitikang Filipino sa loob ng klasrum, Sa kabuuan, may dalawampung (20) tagatugon, na pawang mga guro sa panitikan, ang lumahok sa isinagawang pananaliksik. pagtuturo, gayundin ang mga positibong oportunidad na maaaring magamit upang Gumamit ang mga mananaliksik ng kwalitatibong metodolohiya upang makuha at masuri ang mga datos na nakalap mula sa mga isinagawang panayam at obserbasyon. Ang pamamaraang ito ay naging kapaki-pakinabang sa pag-unawa sa karanasan, pananaw, at estratehiyang ginagamit ng mga guro sa kanilang pagtuturo ng panitikan. Sa tulong ng masinsinang pagsusuri, naipakita ang kabuuang larawan ng kasalukuyang kalagayan ng pagtuturo ng panitikan sa paaralan.
Natukoy sa pananaliksik ang ilang pangunahing hamon na nakaaapekto sa epektibong pagtuturo ng panitikan. Isa sa mga ito ay ang kakulangan ng interes ng mga mag-aaral sa asignatura, na kadalasang nauugat sa mababang antas ng pag-unawa at hindi sapat na pagkilala sa kahalagahan ng panitikan sa kasalukuyang panahon. Isa pa sa mga pangunahing suliranin ay ang kakulangan ng mga kagamitang panturo na maaaring magbigay-suporta sa mas makabuluhang pagkatuto. Kabilang rin sa mga hamon ang limitadong oras na inilaan sa pagtuturo ng panitikan sa loob ng kurikulum, na siyang nagiging hadlang sa mas malalim na talakayan ng mga akda. Dagdag pa rito, naging malaking salik rin ang mga distraksiyon na dulot ng teknolohiya at social media, na kadalasang umaagaw sa atensiyon ng mga mag-aaral at nagiging hadlang sa kanilang aktibong partisipasyon. Hindi rin matatawaran ang epekto ng kakulangan sa kasanayan sa pagbasa, na siyang nagpapatindi sa kahirapan ng mga mag-aaral sa pag-unawa ng mga tekstong pampanitikan. Gayunpaman, sa kabila ng mga nabanggit na hamon, lumitaw rin sa pag-aaral na may mga oportunidad na maaaring pagtuunan upang mapabuti ang pagtuturo ng panitikan. Isa sa mga ito ay ang mas malikhain at masinop na paggamit ng makabagong teknolohiya. Ang paggamit ng mga bidyo, audio materials, digital storytelling, at mga online platforms ay napatunayang makatutulong upang gawing mas kawili-wili at kapana-panabik ang pag-aaral ng panitikan. Bukod dito, ang paggamit ng mga interaktibong aktibidad gaya ng mga educational games, role playing, dramatization, at performance-based learning ay nakatutulong sa pagpapataas ng interes at pakikilahok ng mga mag-aaral sa mga talakayan. Isa rin sa mga positibong aspeto na lumitaw sa pananaliksik ay ang kahalagahan ng kolaborasyon sa pagitan ng mga guro. Sa pamamagitan ng pagbabahagi ng mga epektibong estratehiya, karanasan, at materyales sa pagtuturo, mas nagiging malikhain, mapanlikha, at mahusay ang pagtuturo ng panitikan. Ang ganitong uri ng suporta ay nagpapalakas ng propesyonal na ugnayan at nagdudulot ng mas positibong epekto sa pagkatuto ng mga mag-aaral.
Sa kabuuan, ipinakikita ng pananaliksik na bagamat maraming kinahaharap na hamon ang mga guro sa pagtuturo ng panitikan, hindi nawawala ang mga oportunidad upang mapabuti ang proseso ng pagtuturo at pagkatuto. Sa pamamagitan ng pagtuklas at paggamit ng mga makabago, interaktibo, at kolaboratibong estratehiya, may malaking posibilidad na mapataas ang antas ng pag-unawa at pagpapahalaga ng mga mag-aaral sa panitikan bilang mahalagang bahagi ng ating kultura at pagkatao.