Suliranin ng mga Mag-aaral Hinggil sa Pagbigkas ng Wikang Ingles, isang Pananaliksik sa Paaralan ng Kasiglahan Village National High School Taong Panuruan 2014–2015/ Flores, Dailyn N. ...[et.at.] - 2014-2015 - xii, 60 leaves; illustrations 28 cm.
Undergraduate Thesis
Para malaman kung bakit nahihirapan ang mga estudyante na bumigkas at magsulat na gamit ang wikang ingles, para mabigyan ng importansya ang pag-aaral ng wikang ingles, para mabigyan pansin ng mga Guro sa ingles ang mga kadahilanan kung bakit nahihirapan bumigkas at magbasa ang mga estudyante ng wikang ingles. At para matuguan ang mga kahinaan ng mga estudyante sa pagbigkas at pagbasa ng wikang ingles.
Mga Suliranin:
Bakit nahihirapan ang mga estudyante sa pagbabasa at paggamit ng wikang ingles? Ano-anu ang mga nagiging sagabal sa kanilang pagkatuto sa pagbigkas at paggamit ng wikang ingles.
Mga pamamaraan ng Pananaliksik:
Ayon sa librong Methods of Research and Thesis Writing (2013). Ang Deskriptong Pananaliksik ay naglalaman ng iba't ibang uri o mapaglarawang pananaliksik ay may iba't-ibang uri. Napili ng may-akda na gamitin ang uri ng diskriptong surbey. Ang kahulugan nito ay magtungo sa populasyon na nasasangkot sa ginagawang pag-aaral. Ang salitang surbey ay nangangahulugang pangangalap ng datos ukol sa kasalukuyan na kalagayan. Ito ay magagamit sa pagpapatunay ng kahalagahan ng katotohanan at ituon ang atensiyon sa higit na mahalagang bagay na ipagbibigay alam.
Ang may-akda ay gumagamit ng talatanungan upang makapangalap ng mga datos o impormasyon mula sa mga respondante. Sa mga nakalap na datos, ang may-akda ay kinakailangan magtala, magsuri at bigyan ng kahulugan ang mga detalye. Dapat na mapatunayan na ang nakalap na datos ay tunay na may kaugnayan sa paksang tinatalakay.
Sa diskriptong surbey, kinakailangan na tiyakin ang sikolohikal at sosyal na kalagayan ng pananaliksik sa paraan ng paggamit o pagpapatupad ng mga patunay upang makita ang pagitan ng katotohanan at kakayahan. Ang mga nakalap na datos ay gagamitin bilang isang basehan para sa paglutas ng mga suliranin sa pag-aaral. Ginamit ng mga may-akda ang deskriptong pananaliksik upang magkaroon ng isang malinaw na mga detalye ang ginagawang pag-aaral at ang lahat ng mga impormasyon dito ay kumpleto walang labis at walang kulang.
Ayon uli sa librong nabanggit, ang Cluster Sampling ay pamamaraan ng pagpili ng respondante na gaganap sa gagawaing surbey na kung saan ito ay ginagawa sa pamamagitan ng simpleng Ramdom Sampling. Ito ay maaring gawin sa bawat respondante sa isang grupo upang gumanap sa gagawing surbey. Ginamit ng may-akda ang Cluster Sampling dahil ito ay simpleng paraan at walang halong pandaraya. Nais ng may-akda na magkaroon ng pagkakapantay-pantay sa mga respondante na maisasali sa isinasagawang pananaliksik.