Undergraduate Thesis Bachelor of Secondary Education Major in Filipino
University of Rizal System, Rodriguez, Rizal 2025

Isinagawa ang pag-aaral na ito upang tukuyin ang KAHUSAYAN SA PAGGAMIT NG PANURING SA PANGUNGUSAP NG FILIPINO-8.

Ang mga mananaliksik ay gumamit ng pamamaraang Kwantitatibong Pananaliksik, ay isang uri ng pananaliksik na gumagamit ng mga numerikal na datos upang masukat, masuri, at ipaliwanag ang mga ugnayan ng mga variable. Karaniwan itong gumagamit ng estadistikal na pamamaraan upang makuha ang tiyak at obhetibong resulta..

Karamihan sa mga tagatugon ay babae, na may bilang na tatlumpu't anim o Pitumpu't dalawa pursyento ng kabuuang populasyon ng limampung mag-aaral. Samantala, labing-apat o dalwangpu't walong pursyento lamang ang kalalakihan. Lahat ng mga tagatugon ay may Tagalog bilang unang wika (isang daang pursyento), at sila rin ay mula sa mga lalawigang may Tagalog bilang pangunahing sinasalitang wika. Karamihan ay nasa walumpu't anim-siyamnapu na marka, na may dalawangpu't dalawa mag-aaral o apatnapu't apat na pursyento ng mga tagatugon

Pinakamataas na mean ay nasa pandiwa na may siyam na buo at dalawampu't tatlong sentimo, na may verbal interpretation na Mahusay. Samantala, kapansin-pansin ang mababang mean sa pang-abay na may mean na limang buo at dalawampu't anim na sentimo at pang-uri na anim na buo at dalawampu't anim na sentimo, na parehong may verbal interpretation na Di Mahusay. Sa kabuuan, ang overall mean na dalawampu't pitongpu't limang sentimo ay tumutugma rin sa Di Mahusay, Mas madali para sa mga mag-aaral ang paggamit ng pandiwa, dahil ito ay karaniwan sa kanilang pang-araw-araw na wika at madalas na ginagamit sa klase, kaya mas mataas ang kanilang kumpiyansa rito. Samantala, nahihirapan sila sa pang-abay at pang-uri dahil sa pagkalito sa tamang gamit ng mga ito, kakulangan ng pagsasanay, at kawalan ng tiwala sa sarili.