includes Apendiks

Layunin ng pag--aaral na ito na malaman ang "Epekto ng Paggamit ng Memes at Vlogs sa Pagtuturo sa mga Mag-aaral sa College of Education ng University of Rizal System - Angono Campus".

Sa pag-aaral na ito, ang mga mananaliksik ay gumamit ng pamamaraang deskriptibo para makapangalakap ng mga datos sa pananaliksik. Gumamit din ng talatanungan sa pamamagitan ng google forms.

Ginamitan ng pormulang "Frequency Percentage" upang matukoy ang personal na datos ng mga tagatugon ayon sa Edad, Kasarian at Seksyon. "Weighted Mean" naman ang ginamit para matukoy ang Epekto ng Paggamit ng Memes at Vlog. Samantalang "One-Way Analysis of Variance (ANOVA)" para malaman kung may makabuluhang pagkakaiba sa Epekto na Paggamit ng Memes at Vlogs sa pagtuturo ayon sa Edad, Kasarian, at Seksyon.

Batay sa resulta ng pag-aaral na natuklasan na karamihan sa mga tagatugon ay nasa edad na dalawampu't isa (21). Mas marami namang naging tagatugon na Babae kaysa Lalaki. Sa kurso naman, lumalabas na pinakamaraming naging tagatugon ay nagmula sa BSE- FILIPINO 3B, na sinundan ng BEED 2D at ang huli ay BEED 3C.

Batay din sa resulta ng pag-aaral na ito, natuklasan ng mga mananaliksik na ang mga pangunahing "Epekto ng Paggamit ng memes at Vlogs sa Pagtuturo sa mga Mag-aaral ng College of Education ng University of Rizal System - Angono Campus" ay ang mga sumusunod: Sa pamamagitan ng paggamit ng Memes at Vlogs sa Pagtuturo, nagkakaroon ng "Dagdag kaalaman at nakaeenganyo sapagkat parehong gumagana ang paningin at pandinig" Gayundin, "Nakapagbibigay kasiyahan sapagkat nakasasabay ang mga mag-aaral sa tinatawag na distance-learning gamit ang Vlogs at Memes", "Naipapakita ang kaganapang nagnyayari sa lipunan at realidad sa pamamagitan ng Memes at Vlogs", "Sa paraan ng pagkakaroon ng Memes at Vlogs ay madagdagan ang kanilang kaalaman sa pagkatuto ng makabagong teknolohiya", "Natutugunan ang pangangailangan na kakulangan ng mga detalye sapagkat maari nilang aralin muli ang nakaligtaang diskusyon",

Natuklasan rin sa pag-aaral na walang makabuluhang pagkakaiba a "Epekto ng Paggamit ng Memes at Vlogs sa Pagtuturo sa mga Mag-aaral sa College of Education ng University of Rizal System - Angono Campus" ayon sa Edad, Kasarian at Seksyon

Batay sa resulta ng pag-aaral nabuo ang kongklusyon sa paggamit ng Memes at Vlogs sa makabagong sistema ng pagtuturo, nakapagdudulot ito ng positibong pag-uugali, motibasyon at interes sa pagtuklas ng kaalaman para sa mabisang pagkatuto. Ang patuloy na paggamit ng mga guro sa makabagong teknolohiya gaya ng Memes at Vlogs sa makabagong sistema ng pagtuturo ay nakapagpapataas ng kalidad edukasyon. Sa pamamagitan ng Memes at Vlogs nagkakaroon ng ugnayan ang mga mag-aaral sa kanilang kapwa mag-aaral at mga guro na mapadali ang mga aralin na tinatalakay at makakuha ng mga bagong impormasyon. Kahit na ttayo ay may kinakaharap na pandemya ngayon at nasa ilalim tayo ng "Bagong Normal" ang Memes at Vlogs sa paraan ng pagtuturo sa mga estudyante gayundin ang mga mag-aaral na magpatuloy upang umusad at magpatuloy na mag-aral kahit na nasa bahay lamang. Napakalaking tulong din ng teknolohiya sa bawat isa sapagkat ito ang naging daan upang magkaroon ng keneksyon ang bawat isa kahit na malalayo at hindi sama-sama at ang teknolohiya ang mabisang paraan upang magkaroon muli ng koneksyon ang lahat. Sa paggamit ng Memes, iminumungkahing mas pag-aralan pa kung paano ito mas angkop sa bawat aralin.