Undergraduate Thesis
Batsilyer ng Edukasyong Pangsekondarya Medyor ng Filipino University of Rizal System, Rodriguez, Rizal

2023

Ang pananaliksik na ito ay naglalayong alamin ang Epekto ng Online class sa pagkatuto ng mga mag-aaral sa University of Rizal System Campus. Rodriguez. Nais tugunan ng mga mananaliksik ang mga sumusunod na suliraning nakaaapekto sa pagkatuto ng mga mag-aaral partikular na ang pagkakaroon ng mahinang internet connection, kakulangan ng kagamitan o walang gadyet at kakulangan sa kaalaman sa pag gamit ng iba't ibang mga plataporma.
Batay ito sa "Leaming Theories o Pavlov Theory ayon kay Ivan Pavlov na tumutukoy sa proseso ng pagkuha ng kaalaman mula sa nakaraang karanasan.

Upang bigyang kasagutan ang mga suliranin, ang mga mananaliksik ay gumamit ng pakikipagpanayam o interview guide sa mga napiling tagatugon sa pamamagitan ng Deskriptibong Metodolohiya o ang tinatawag na "Descriptive Survey Research Design" sa ingles, ito ay isang sarbey o talatanungan at ipinamahagi sa mga mag-aaral ng University of Rizal System - Rodriguez Campus gamit ang Google Forms bilang plataporma sa pagpapakalat ng talatanungan.

Batay sa mga nakalap ng mga mananaliksik mula sa mga tagatugon, natuklasan ng mga mananaliksik ang mga kasagutan sa mga suliranin ng pag-aaral sa Epekto ng online class sa pagkatuto ng mga mag-aaral sa University of Rizal System. Karamihan sa mga tagatugon ay mga babae na dalawampu't isa (21) ang bilang at labing isa (11) sa lalaki. Habang sa edad, karamihan ay walo (8) ang nasa edad 19, walo (8) ang edad 22, walo (8 naman ang edad 21, at walo
(8) ang 22 taong gulang. Ito ay binubuo mula sa mga kolehiyo ng Edukasyon, walo (8)ang nasa medyor ng Be-Ed 1, walo (8) mula sa Bse- Science 2, walo (8) mula sa Bse-Mathematics 3 at walo (8) sa Bse- Social Studies 4 kasama ang pitong (7) guro sa iba't-ibang paaralan upang magbigay ng rekomendasyon patungkol sa pananaliksik na ito.

Ang resulta mula sa ginawang pagkalap ng datos patungkol sa Epekto ng online class sa pagkatuto ay lumalabas na may negatibong epekto sa pagkatuto ng mga estdyante. Marami ang nakararanas ng mahinang internet connection o mobile date, walang gadgets na magamit o luma at hindi na kayang magamit pa at kakulangang pinansyal. Habang ang kanilang pagiging maparaan at produktibo ay walang naging pagbabago sa kung paano sila dumidiskarte upang makasabay sa kabila ng mga problema't suliranin na kinakaharap sa gitna ng pagkakaroon ng modalidad na Online class.

Maraming mag-aaral ang nagkaka problema sa kanilang koneksyon sa internet at signal ng mobile data, kasama na rito ang problemang pang pinansyal o kawalan ng kakayahang bumili ng mga gamit pang online class at pagkakaroon ng maingay na kapaligiran kapag may klase. Nagdudulot ito ng mga problema sa kanilang pagtuon sa klase, hindi lubos na naiintindihan ang mga aralin, at mas madalas na pagliban sa klase na nagiging dahilan upang maapektuhan ang maayos na daloy ng pagkatuto ng isang mag-aaral.

Hinihimok ng mga mananaliksik ang mga pinuno na panatilihin ang mga harapang klase bilang isang opsyon. Bagama't ang mga online na klase ay isang magandang paraan ng pagtuturo sa makabagong panahon, nangangailangan ito ng wastong patnubay, naaangkop na pagtatasa, at patuloy na pagbuo ng mga estratehiya upang maiwasan o mabawasan ang mga posibleng negatibong epekto sa pag-aaral ng mga mag-aaral. Hinihimok din ang mga mag-aaral na makipagtulungan sa mga guro at ipahayag ang kanilang mga problema o suliranin tungkol sa online class upang maipatupad ang tamang paraan at solusyon sa kasalukuyang problema.