Kompetensi sa pagbabantas ng mga mag-aaral sa ikapitong antas ng Unversity of Rizal System Jennifer S. Aguilar, Lorielyn J. Dela Cruz

Thesis Bachelor of Secondary Education University of Rizal System Tanay 2019

Includes bibliographical references.

Ang pag-aaral na ito ay nakatuon sa kompetensi sa pagbabantas ng mga mag-aaral sa ikapitong antas ng University of Rizal System. Sa pag-aaral na ito, palarawan o deskriptib na pananaliksik ang ginamit. Pagsusulit ang ginamit na pangunahing kasangkapan upang makalikom ng mga mahahalagang datos na kakailanganin sa pag-aaral. Ang talatanungan ay inihanda ng mga mananaliksik at binalido ng mga guro sa Filipino. Ang mga estadistikang ginamit ay mga frequency, percentage distribution at mean. Mula sa nakalap na mga datos, mas marami ang mga tagatugong babae kung ikukumpara sa mga lalaki. Sa una at ikalawang markahan, mas marami ang may marka sa Filipino 7 ng 80-84. Ang unang markahan ay isang repleksyon ng mga Panitikang Mindanao at Bisaya habang ang ikalawang markahan ay isang repleksyon ng Panitikang Luzon. Makikita na may sapat na kaalaman ang mga mag-aaral sa panitikan. Mas mataas ang kompetensi ng mga tagatugon sa pagbabantas sa sintaks kaysa sa morpolohiya at leksikon, at lumalabas na mayroon silang sapat na kasanayan sa pagbabantas. Kung susumahin, ang mga tagatugon ay mayroong sapat na kasanayan sa pagbabantas sa morpolohiya, leksikon at sintaks. Batay sa mga nakalap na datos, konklusyon at rekomendasyon, ang guro ay dapat na malinaw na maituturo ang wastong gamit ng mga bantas upang hindi magkaroon ng maling interpretasyon. Nararapat rin na mahikayat ang mga mag-aaral na magkaroon ng malawak na pag-aaral sa pagbabantas sa morpolohiya, leksikon at sintaks. Dahil lumalabas sa pag-aaral na ito na ang mga tagatugon ay may sapat na kasanayan sa pagbabantas, nararapat pa rin na magsikap ang mga mag-aaral na magkaroon ng kaalaman sa pagbabantas lalong-lalo na sa morpolohiya, leksikon at sintaks.