GS Thesis Dalubhasa sa Sining ng Pagtuturo Medyor sa Filipino University of Rizal System, Rodriguez, Rizal 2021

Ang pananaliksik na ito ay naglayong makabuo at makapagpatibay ng pamaraan sa pagtuturo ng panitikan upang higit na mapukaw ang interes ng mga mag-aaral na basahin ang mga aralin sa panitikan at magkaroon sila ng aktibong partisipasyon sa pagtalakay nang sa gayon ay tumaas ang antas ng kanilang pagkatuto sa mga akdang pampanitikang tinatalakay. Layunin din ng pag-aaral na gawing mas masigla, masaya at kapanapanabik ang pagtuturo ng mga akdang pampanitikan sa tulong ng online games partikular na ang tinatawag na Wordwall App. Ang pag-aaral na ito ay nakaangkla sa Fun Theory at Teoryang Ito ay ang paniniwala na ang bawat mag-aaral, ang mga pagbabago at pag-unlad ay mahalaga sa [ag-aaral. Dito, ang bawat aralin ay dapat angkop sa mga estudyante kung saan magagamit nila ito sa pang-araw-araw na buhay. Ito ay dapat naaayon sa pangangailangan, interes, karanasan, at kakayahan ng mga estudyante

Ang instrumentong ginamit sa pag-aaral na ito ang eksperimental at kwalitatibo. Ang pamaraang eksperimental ang ginamit ng mananaliksik upang makuha ang kabisaan ng paggamit ng Wordwall App sa pagtuturo ng panitikan sa pamamagitan ng pang-una at panghuling pagsusulit.

Ang pamamaraang kwalitatibo ay nakatuon sa pagtalakay ng pidbak ng mga mag-aaral mula sa eksperimental na pangkat sa paggamit ng Wordwall App sa pagtuturo ng panitikan sa pamamagitan ng pakikipanayam o interbyu.

Naging kalahok sa pag-aaral na ito ay ang mga mag-aaral sa Baitang 7 ng Paaralang Sekundarya ng Deparo. Ito ay komposisyon ng mga mag-aaral na heterogenous na kung saan magkakasama ang mga mag-aaral na may mataas, katamtaman at mababang kakayahang pang-akademiko. Ang pangkat Punctuality ay eksperimental na sasailalim sa paggamit ng Wordwall App sa pagtuturo ng panitikan samantalang ang pangkat Curiosity naman ang kontrol na ginamitan ng tradisyunal na pagtuturo. Ang ilang mag-aaral mula sa pangkat eksperimental ay sumailalim sa panayam o interbyu upang malaman ang kanilang pananaw tungkol sa paggamit ng Wordwall App sa pagtuturo ng panitikan.

Random at Purposive Sampling ang ginamit sa pag-aaral. Mula sa limang

pangkat ay masusing pinili ang pangkat eksperimental at kontrol gamit ang random sampling. Ang komposisyon ng mga pangkat na ito ay heterogenous.

Gamit naman ang purposive sampling ay pinili ang 15 mag-aaral mula sa pangkat eksperimental para sa isinagawang interbyu.

Batay sa resulta ng pag-aaral, natuklasang higit na mabisa ang pagkatuto ng mga mag-aaral sa paggamit ng Wordwall App sa pag-aaral ng panitikan sa Grade 7 sa online class dahil sa napukaw ang kanilang interes na basahin ang mga aralin sa panitikan.

Natuklasan namang may makabuluhang pagkakaiba ang pang-una at panghuling pagsusulit ng pangkat eksperimental gayundin din naman ang pangkat kontrol. subalit di-hamak na mas mataas ang nakuhang mean score ng pangkat eksperimental na may 28.61 samantalang 23.17 naman ang pangkat kontrol Nakitaan din ng makabuluhang pagkakaiba ang panghuling pagsusulit ng pangkat eksperimental at kontrol. Natuklasan namang lubhang natuwa at natuto ang mga mag-aaral mula sa kanilang positibong komento sa paggamit ng Wordwall App sa pagtuturo ng panitikan base sa naging resulta ng panayam. Batay sa kinalabasan, naging mabisa ang paggamit ng Wordwall App sa pagtuturo ng panitikan sa pagkatuto ng mahahalagang aralin sa panitikan.

Kaya iminumungkahi sa pag-aaral na ito ang patuloy na paglikha ng

kagamitang pampagkatuto na makatutulong sa pagpukaw ng interes ng mag-aaral sa pag-aaral upang higit na mahubog ang kanilang talino at kasanayan

Iminumungkahi rin ng mananaliksik ang pagpapaigting pa ng mga guro sa paglikha at pag-iisip ng mga gawain at istratehiyang tutugon sa natatanging interes at pangangailangan ng mga mag-aaral sa pag-aaral ng panitikan na sasaklaw sa kanilang pagkatuto.