Undergraduate Thesis
Bachelor of Secondary Education major in Filipino
University of Rizal System, Rodriguez, Rizal
2025

Ang pag-aaral na ito ay naglalayong suriin ang epekto ng paggamit ng mga social media platforms sa pagkatuto ng mga mag-aaral sa asignaturang Filipino 10 sa Mataas na Paaralan ng Geronimo. Sa pamamagitan ng pagsusuri sa mga pangunahing social media applications tulad ng Facebook, Messenger, Twitter, at Instagram, tinukoy ng pag-aaral kung paano ito nakaaapekto sa akademikong pagganap ng mga mag-aaral.

Gamit ang deskriptibo-kwantitatibong disenyo ng pananaliksik, sinuri ang pananaw ng mga mag-aaral tungkol sa kanilang paggamit ng social media at ang kaugnayan nito sa kanilangpagkatuto. Isinagawa ang pangangalap ng datos sa pamamagitan ng sarbey at estadistikal na pagsusuri upang matukoy kung may makabuluhang pagkakaiba ang epekto ng social media batay sa kasarian ng mga respondente.

Batay sa resulta ng pag-aaral, lumabas na may makabuluhang epekto ang paggamit ng social media sa pagkatuto ng mga mag-aaral, kung saan ang ilan ay ginagamit ito bilang kasangkapan sa pag-aaral habang ang iba naman ay nakararanas ng distraksyon. Natukoy rin na may pagkakaiba ang epekto ng social media batay sa kasarian, kung saan mas madalas gamitin ng ilang grupo ng mag-aaral ang social media para sa akademikong layunin. Dagdag pa rito, ipinakita rin ng mga natipong datos na ang feedback ng mga respondente ay may kaugnayan sa kanilang paggamit ng social media sa kanilang pang-araw-araw na pagkatuto.

Sa kabuuan, inirerekomenda ng pag-aaral na magkaroon ng wastong paggabay mula sa mga guro at magulang upang mapanatili ang balanseng paggamit ng social media sa pag-aaral. Bukod dito, hinihikayat din ang mga mag-aaral na magkaroon ng mas epektibong estratehiya sa paggamit ng social media upang mapakinabangan ito nang lubos sa larangan ng edukasyon.