Undergraduate Thesis
Bachelor of Secondary Education major in Filipino
University of Rizal System, Rodriguez, Rizal
2018

Isinagawa ang pag-aaral na ito upang tukuyin ang Epekto ng Pagtatrababo Kasabay ng Pag-aaral sa Kahusayan sa Klase ng mga Piling Mag-aaral sa University of Rizal System. Napili ng mga mananaliksik ang pag-aaral na ito upang malaman kung ano ang mga kadahilanan kung bakit nagpapasyang magtrabaho kasabay ng pag-aaral ang ilang mag-aaral at kung paano nakaaapekto ang kanilang trabaho sa kanilang kahusayan sa klase.

Batay sa nakalap na impormasyon ng mga mananaliksik, karamihan sa mga tagatugon ay tumaas ang GPA nang sila ay working student na, may iilang management. Marami sa mga mag-aaral ay nahuhuli sa klase at hindi naipapasa sa tamang oras ang kanilang mga proyekto sa paaralan dahil sa puyat at pagod. Kahirapan o kakulangan sa pinansyal na pangangailangan ang pangunahing suliranin at dahilan ng kanilang pagtatrabaho kasabay ng pag-aaral Ang time management, pagsisikap at gawing inspirasyon ang paghihirap para pagbutihin ang pag-aaral ang iminungkahi ng mga working student, ilan lamang ang mga nabanggit sa mga paraan upang mas maging magaan sa kanila ang trabaho kasabay ng pag-aaral.

Batay sa kongklusyong nabuo, ang mga sumusunod na tagubilin ay ibinibigay ng mga mananaliksik Hinihikayat ang mga namumuno na magkaroon ng karagdagang programa sa paaralan na may kaugnayan sa mga working student Hinihikayat ang mga guro na bigyang konsiderasyon ang mga working student na makahabol sa pagpapasa ng mga proyekto at sa iba pang mga gawaing pampaaralan. Ang mga mag-aaral ay hinihikayat din na gawing inspirasyon ang lahat ng pagsubok bilang isang working student upang mas lalo pang pagsumikapan na pagbutihin ang pag-aaral at pagtatrabaho para sa magandang kinabukasan; at hinihikayat din ang mga sumusunod na mananaliksik na magsilbing gabay ang pag-aaral na ito upang magkaroon pa ng mas malalim na pag-aaral sa epekto ng pagtatrabaho kasabay ng pag-aaral sa kahusayan sa klase ng mga mag-aaral.