GSTHESIS Major in Filipino University of Rizal System, Rodriguez, Rizal
2024

Ang layunin ng pag-aaral na ito na malaman at matukoy ang Implementasyon ng Blended Leaming na dulog ng mga guro sa Filipino na may bilang na tatlumput-tatlo.

Ang mga tagatugon ay pinili sa paraang random sampling kung saan ang mga mananaliksik ay kumuha ng tatlumput-tatio tagatugon mula sa piling paaralan sa bayan ng Montalban. Ang disenyo ng pag-aaral na ito ay disktiptib kuwantitatibo, ito ay ginamitan ng talatanungan o Questioner. Ang mga mananaliksik ay nagsagawa ng sarbey sa mga guro gamit ang mga patnubay na tanong. Ang mga mananaliksik ay gumawa ng talatanungan nahahati sa apat, kahandaan, estratehiya, pagtataya/pagtatasa, at patakaran sa pagtuturo ng Blended Leaming na dulog para sa mga guro. Anumang kagamitan katulad ng sinagutang talatanungan ay ipinasa at pinagtibay ng mga gurong taga-gabay. Ang bawat talatanungan na sinagutan ng mga guro ay nilapatan ng angkop na interpretasyon at analisi.

Sa pag-aaral na ito na batid na mas nakararami ang mga tagatugon na babae na may bilang na dalawampu't lima at walo sa kalalakihan na mga guro na may kabuuan na tatlumput-tatlo na nag mula sa piling paaralan sa bayan ng Montalban. Sa mga guro sa Filipino ang mga bilang ng taon ng mga tagatugon ay nagpapakita ng iba't-ibang antas ng kasanayan. Ito ay nagpapakita ng implementasyon ng mga tagatugon. Nagpapakita ang resulta ng lubos na naisagawa at positibong natatanging karanasan sa iba't-ibang aspekto ng pagtuturo. Malinaw ang suporta sa kahandaan, estratehiya, pagtataya/pagtatasa at patakaran Ang mataas na Average Score para sa bawat aspekto ay nagpapakita ng tagumpay na implementasyon ng mga tumugon. Ang mga talahanayan ay naglalahad ng implementasyon sa pagtuturo ng Blended Learning na dulog sa iba't-ibang aspekto ng pagtuturo, ngunit may pagkakaiba-iba batay sa edad, kasarian, bilang ng taon sa pagtuturo ng asignaturang Filipino, at pinakamataas na edukasyong natamo.

Para sa mga guro at magiging guro sa hinaharap, mas bigyang pansin pa ang asignaturang Filipino upang mas dumami pa ang nagtuturo at nagpapayaman ng asignaturang ito. Mas palawakin pa ang kaalaman sa paggamit ng iba't-ibang teknolohiya at mga aplikasyon o site na maaaring magamit sa pagtuturo ng asignaturang Filipino at iba pa. Pagyamanin pa ang kaalaman sa asignaturang Filipino gayun din sa mga makabagong kagamitan at teknolohiya upang mas mapalawak pa ang maibabahaging kaalaman sa mga mag-aaral
Ang mga Administrador ay maaaring maglaan ng Support System para sa mga guro, tulad ng Workshops, Seminars, at iba pang mga Leaming Sessions para sa pagpapahusay ng mga kasanayan sa pagtuturo gamit ang mga makabagong teknolohiya. Mahalaga ang regular Monitoring ng implementasyon ng Blended Learning na dulog sa iba't-ibang antas ng edukasyon. Ito ay makakatulong sa pagtukoy ng mga posibleng isyu at pagbibigay ng agarang solusyon.

At para sa mga Future researchers, maaaring isagawa ang isang comparative study ng modular at online na dulog sa iba't-ibang mga educational methodologies upang masusing makita ang kahalagahan at kakulangan nito.